Κάλαντα Πόντου Χριστός γεννέθεν

Χριστός γεννέθεν, χαρά σ’όν κόσμον,
α, καλή ώρα καλήν ημέραν,
α, καλόν παιδίν οψέ γεννέθεν,
οψε γεννέθεν, ουρανεστάθεν.

Τον εγέννησεν η Παναΐα,
τον ανέσταισεν Αειπαρθένος,
εκαβάλλκεψεν χρυσόν πουλάριν,
εκατήβεν στο σταυροδρόμιν.

Έρπαξαν ατόν οι σκύλ’ Εβραίοι,
σκύλ’ Εβραίοι και μιλ’ Εβραίοι,
ας σ’ αρκρεντικά κι ασ’ σην καρδίαν,
γαίμαν έσταξεν, φλογήν κι εφάνθεν.

Όπου έσταξεν εμυροστάθεν,
εμυρισ’ ατόν ο κόσμον όλον,
α, μυρίσ’ ατόν κι εσύ αφέντα,
εκατήβεν στο σταυροδρόμιν.

Διάβα σ’ο ταρέζ κι έλα σην πόρτα,
έξω στέκνε τα παλικάρια,
έβγαλ’ τον κισέ και δώσ’ παράδας,
έξω στέκνε τα παλικάρια.

Και θυμίζνε σ’ον νοικοκύρην,
νοικοκύρην και βασιλέαν.

Ιερά Μητρόπολις Μεσογαίας & Λαυρεωτικής – Δήμος Παλλήνης – Χριστουγεννιάτικη Συναυλία Βυζαντινής Μουσικής “Άσατε τω Κυρίω πάσα η γη” – με τη Βυζαντινή Χορωδία της Σχολής Βυζαντινής Μουσικής της Ιεράς Μητροπόλεως Μεσογαίας και Λαυρεωτικής, υπό τη Διεύθυνση του κ. Δημήτριου Καλομοίρη – Αφήγηση Αμαλία Μουτούση (22/12/2012 – Πολιτιστικό Κέντρο Γέρακα)

Leave a Reply

Your email address will not be published. Required fields are marked *